Warm aartappelslaai

akkreditasie
0:00
play article
Intekenaars kan na hierdie artikel luister
Een bewys dat nie alle slaaie uit blare bestaan nie.

Genoeg vir: 6 as bygereg

Bereidingstyd: 25 minute

Gaarmaaktyd: 30 minute

Bestanddele:

  • 600 g jong Mediterreense aartappeltjies
  • 30 ml olyfolie
  • 250 g portabellini-sampioene
  • 1 blik artisjokharte, gehalveer
  • 6 piekeluitjies, gehalveer
  • sowat 6 jong eiervrugte, gehalveer en met sout besprinkel
  • 100 g groen olywe
  • 250 g mangetout-ertjies, grofgekap
  • 125 ml basiliepesto

1. Kook die aartappeltjies tot gaar en sag. Dreineer, halveer en bedruip met ’n bietjie olyfolie; geur met sout en peper. Hou eenkant.

2. Verhit die helfte van die olyfolie en braai die sampioene tot goudbruin en gaar. Voeg dit by die aartappels. Braai nou die artisjokharte in dieselfde pan tot bruin. Skep uit en braai die piekeluie, gevolg deur die eiervrugte, tot goudbruin en gaar. NB Onthou om die sout van die eiervrugte af te vee voor jy dit braai.

3. Skep al die groente saam met die olywe en ertjies op ’n mooi dienbord en drup die pesto oor. Sit voor by kamertemperatuur as ’n heerlike bygereg of vegetariese hoofgereg.

Jongste uitgawe

Okt | Nov 2021

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees