Foto’s Amora Erasmus en verskaf
Die hoë heining van Australiese jamboes (Syzygium paniculatum) reg onder die huis was reeds hier toe die Bothas die eiendom gekoop het. “Al verg dit baie snoeiwerk, hou ek van die skeiding wat dit gee,” vertel Rodeen. “ ’n Mens moenie ’n groot tuin met een oogopslag kan sien nie. Die dam, ’n paar van my roosbeddings en die groentetuin is aan die onderkant van die heining, en die huis en res van die tuin aan die bokant.”
Potloodsipresse gee hoogte en simmetrie in ’n bedding met ‘The Dark Lady’- en ‘Burgundy Iceberg-’rose. Onderlangs groei koringblommetjies, lamsore en vlooikruid.
