book-icon Uitgawe September 2020

Tuintake vir September

akkreditasie
Uie, wortels en kool
Uie, wortels en kool
Dis die begin van ’n nuwe groeiseisoen, maar moenie te haastig wees nie – die grond is nog koud en dit kan nog vir oulaas ryp voor die weer begin opwarm.

Wissel saaitye af, oes steeds wintergroente en maak gereelder nat namate die dae warmer raak.

Saaiplan vir die lente

Vroeg in September Saai beet, wortels, kool, blaarslaai, ertjies, spinasie en spinasiebeet wat by ’n laer grondtemperatuur ontkiem.

Saaiwenk Saai fyn wortelsaad, soos ‘Cape Market’ (wat spesifiek vir Suid-Afrikaanse toestande ontwikkel is), ry vir ry, met ’n tregter gemaak van ’n vel papier om die saad eweredig te versprei.

Middel September Saai stam- en rankboontjies, asook skorsies.

Saaiwenk Groenbone ontkiem op hul beste wanneer twee of drie bone saam in een gat geplant word. Maak ’n groenbone-tipi deur drie riete aan mekaar vas te maak (of bind tou om dit op te lei) en saai die erfenis-rankboontjie ‘Lazy Housewife’ by die basis sodat dit daarteen kan oprank. Die kleinspan sal dol wees daarop.

Einde September Saai tamaties, eiervrug, rissies, soetrissies, mielies, pampoene, spanspek, en ander skorsies met ’n rankende groeiwyse.

Saaiwenk Maak saadbeddings en saailinge elke dag nat. Gebruik ’n gieter met ’n fyn sproeikop sodat die saailinge nie wegspoel nie.

 
Probeer dit!
Kweek happiegroot kersietamaties in ’n pot van 35–40 cm, met potgrond van goeie gehalte, tuisgemaakte kompos en organiese bemesting. Maak in die somer elke dag nat en voed een keer elke maand met ’n vloeibare bemesting. Moenie dat die pot uitdroog nie.
Rankboontjies
Rankboontjies

Het jy geweet?
Blaarslaai, spinasie, stambone, murgpampoentjies en tamaties word as die kostedoeltreffendste groente beskou. Die blaargewasse groei vinnig, stamboontjies lewer geil oeste en tuisgekweekte tamaties smaak lekkerder.

KONTAK kirchhoffs.co.za

Jongste uitgawe

September 2022

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees