‘Dié huis is ons hartsplek’

Dit was die hoë plafon en die groot venster waardeur die winterson instroom wat eerste die Steyns se aandag getrek het. Hier bak hulle nou heerlik in die middagsonnetjie by die tafel en geniet die uitsig na die Tygerberg-heuwels wanneer hulle hier eet, kuier of skilder. “Die skaapvelletjie het ons op Willowmore gekoop. Ons is mal oor die Karoo en bring graag goedjies van ons vakansies daar terug Kaap toe,” sê Petrus. Spieël van Mr Price Home; koffietafel van @home; bank en twee stoele van Incanda; kussings van H&M; lampskerms van Weylandts; eetkamerstoele en -banke van Naturalis