Francois Oberholster
Gebruik hout en lap vir dié oulike voetstoel wat jy sommer vinnig kan aanpak.
Wat jy nodig het
- 18 mm-laaghout, in ’n sirkel gesaag (450 mm D)
- 100 mm-mediumdighteidspons, in ’n sirkel gesny (450 mm D)
- watteersel, rofweg in ’n sirkel geknip (750 mm D)
- lap van jou keuse, rofweg in ’n sirkel geknip (750 mm D)
- Alcolin Contact Adhesive
- drie 200 mm-houtpote
- twaalf 4 mm x 20 mm-skroewe
- kramgeweer
- skroewedaaier
So maak jy
1 Roer die Alcolin Contact Adhesive voor gebruik. Wend dit aan die laaghout en spons en laat dit vir 10 minute staan om taai te raak.
2 Plaas die spons op die laaghout sodat dit aan mekaar kan vaskleef.
3 Sit die spons en laaghout dan op die middel van die watteersel neer met die sponskant na onder. Vou die watteersel oor die laaghout en kram vas; trek dit telkens styf. Knip die oortollige watteersel af.
4 Doen dieselfde met die lap.
5 Posisioneer die pote ewe ver uit mekaar op die basis en skroef vas.
Besoek www.alcolin.com vir produkinligting of skakel die Sticky Questions-hulplyn tolvry by 0800 222 400 vir raad.
