Só maak jy ’n trollie vir kaggelhout

Vennootskapsveldtog Vennootskapsveldtog
Dié oulike trollie is nie net bêreplek nie, dit sal jou ook help om die stompies in ’n kits tot by die kaggel te kry.

Foto’s Ed O’Riley

Wat jy nodig het

INKOPIELYS

  • 12 x 144 mm-planke, gesaag in:
  • ses 350 mm-lengtes
  • 22 x 69 mm-planke, gesaag in:
  • twee 900 mm-lengtes
  • twee 350 mm-lengtes
  • twee 286 mm-lengtes
  • vier 600 mm-lengtes
  • 4 mm x 45 mm-snyskroewe
  • 4 mm x 16 mm-spaanderbordskroewe
  • Woodoc Water-Borne FLOOR Clear (Matt/Gloss)
  • Woodoc Colours Ebony
  • menghouer en plat roerspaan
  • verfkwaste
  • skuurpapier
  • 4 rolwiele

GEREEDSKAP

  • elektriese skroewedraaier
  • liniaal

1 Basisraam Skroef die twee 900 x 22 x 69 mm-planke aan die twee 350 x 22 x 69 mm-planke vas.

2 Basis Skroef die ses 350 x 12 x 144 mm-planke aan die basisraam vas; maak seker hulle is ewe ver uitmekaar gespasieer.

3 Sye Plaas een van die 286 x 22 x 69 mm-planke haaks oor twee van die 600 x 22 x 69 mm-planke en skroef vas. Maak twee van dié sye.

4 Skink sowat 100 ml van die Woodoc Water-Borne FLOOR Clear (Matt/Gloss) in die menghouer. Voeg die Woodoc Colours Ebony by en roer goed; roer ook tydens aanwending.

5 Verf die sye met drie lae van die mengsel wat jy in stap 4 gemaak het.

6 Verf die basis met drie lae Woodoc Water-Borne FLOOR Clear (Matt/Gloss). Skuur liggies met fyn skuurpapier ná die eerste en die tweede laag droog geword het, maar nie ná die laaste laag nie.

7 Skroef die sye aan die basis vas, met die dwarsplank bo aan die binnekant.

8 Skroef laastens ’n rolwiel in elke hoek van die basis van jou trollie vas.

Jongste uitgawe

Okt | Nov 2021

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees