book-icon Uitgawe Februarie | Maart 2022

Kikker ’n piepklein woonstel op met Tjhoko Paint

0:00
play article
Intekenare kan na hierdie artikel luister
Kyk net hoe spoggerig is die gasteblyplek nou!

Foto’s Chrystal de Witt

YSKAS

Geverf in Tjhoko Paint Matt Black met ’n 110 mm-sponsroller, agterna verseël met Tjhoko Paint se Clear Glaze.

Jy hoef nie die yskas vooraf te skuur nie, maar was die oppervlak goed af met lakverdunner, en gee dit minstens 20-40 minute kans om droog te word.

KOMBUISKASTE

Dié kaste, van melamien, is met ’n 110 mm-sponsroller geverf in Tjhoko Paint Maestro. (Vir groot, plat oppervlakke kan jy ’n 225 mm-bokhaarroller gebruik.)

’n Tjhoko Paint Clear Glaze-beskermlaag is agterna met ’n klam mikrovesellappie aangewend om die oppervlak meer vlek- en waterbestand te maak.

FOKUSMUUR

Dié stensilpatroon is ’n apploustrekker en dui ook die skeiding aan tussen die woonarea en kombuis. Dis gedoen met ’n Tjhoko Paint-stensil (patroon 2020- 90x60-3) en Tjhoko Paint se Stencil of Paris.

Laasgenoemde is gekleur met titsels Tjhoko Paint Matt Black en Tjhoko Paint Don’s Wash. Die stensil is in posisie gehou met maskeerband en die gekleurde Stencil of Paris is egalig bo-oor die stensil- patroon gesmeer met ’n 5 cm-verfskraper. Wenk Verwyder die stensil dadelik nadat die Stencil of Paris aangewend is. Maak die stensil skoon in water en herhaal die patroon totdat jy tevrede is.

SPATVLAK

Tjhoko Paint se vinielplakkers is op die spat-area in die kombuis aangebring.

Wenk Ons het twee 5 mm-MDF- borde nommerpas gesny en bo die kombuiskaste vasgesit.

Die borde is geverf in Tjhoko Paint Da’vid en vier uur later met twee lae onverdunde Tjhoko Paint Clear Glaze verseël. Ná 48 uur het ons die plakkers daarop geplak. Werk altyd op ’n gelyk oppervlak en sny plakkers met ’n matmes of skêr indien nodig.

METAALKAS

Gespuitverf met effens verdunde Tjhoko Paint Matt Black in die verhouding 1 deel water : 9 dele verf. ’n 500W- elektriese verfspuit is vir die projek gebruik.

STOELTJIES

Die patrone is aangebring met maskeerband en die Tjhoko Paint-kleure Lebo’s Light (room), Cement Grey (liggrys), Sherif’s Stone (donkergrys), Goodness (liggroen) en Maestro (donkergroen).

FOKUSMUUR

Rofweg gepleister met Tjhoko Paint se Stencil of Paris wat met Tjhoko Paint se Vinia Stone, Maestro en Olivia’s Pale gekleur is.

STROOIKUSSINGS

Tjhoko Paint kan ook op natuurlike weefstowwe gebruik word. Twee stensils is vir die kussings gebruik: patroon 2021-45-6 en patroon 2021-45-9.

Gee die verf minstens 40 minute kans om droog te word, stryk die materiaal aan die agterkant en was wanneer nodig in koue water (liefs met die hand).

Dié projek kom uit die TV-reeks Doodgewone Jo. Kyk ou episodes op Showmax; ’n nuwe seisoen begin Woensdag 9 Februarie om 17:30 op VIA (DStv-kanaal 147).
Vir meer inspirasie, besoek youtube.com/tjhokopaint, Instagram/tjhokopaint of sluit aan by ons Facebook-groep Tjhoko Creations. Bestel die spesiale uitgawe TJHOKO – Ons Kleure, Ons Stories, Ons Mense met talle selfdoenprojekte by tjhokopaint.co.za.
Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees