1. Sit die meel en sout in ’n groot bak en roer die anys by. Vryf die botter met jou vingerpunte by die meelmengsel in en belug dit terselfdertyd deur dit hoog bo die bak te lig – dit moet soos growwe broodkrummels lyk.
Roer die gis by, maak ’n holte in die meelmengsel en roer die water en kondensmelk by. Meng met jou hand totdat die deeg bymekaarkom, keer dit uit op ’n skoon werkoppervlak en knie tot die deeg glad en elasties is – sowat 10 minute as jou armspiere dit kan hou!
2. Sit die deeg in ’n groot mengbak wat met ’n bietjie olyfolie gesmeer is, bedek met ’n doek of kleefplastiek en laat rys op ’n warm plek vir 1-2 uur tot dubbel die volume.
