book-icon Uitgawe Desember 2017

Beet-en-vyeslaai met geroosterde radys

akkreditasie
Francois Oberholster
Bereidingstyd: 1 uur
Porsies: 10–12
Gaarmaaktyd: 30 minute
Bestanddele
  • 100 ml - pampoensaad
  • 100 ml - sonneblomsaad
  • 1 bossie - radyse, baie goed gewas en blaartjies kort geknip
  • 100 ml - gedroogde bosbessies
  • - parmesaanskaafsels
  • 125 ml - suiker
  • twee hande vol - roket of baba-slaaiblare
  • 8–12 - ryp pers vye, oopgeskeur
  • 60 ml - olyfolie
  • 125 ml - kookwater
  • 6–8 - mediumgroot bete, geskil en in wiggies gesny
  • 125 ml - balsemiekasyn
Metode
Ons het dié resep by Alda Fick van die Dassiesfontein-padstal gekry toe ons met Kersfees by hulle gekuier het.

1 Kook die beet in die suiker, asyn en water tot die beet sag en stroperig is. Laat heeltemal afkoel. Geur met sout en swartpeper.

2 Verhit die helfte van die olyfolie en rooster die sade stadig tot hulle begin oppof. Verwyder van die hitte en geur met growwe sout. Laat afkoel.

3 Meng die radyse met die orige olyfolie en geur met sout en peper. Rooster vir ’n paar minute onder ’n warm roosterelement – dit gee die radyse ’n heerlike tekstuur.

4 Om saam te stel, rangskik die beet, radyse en vye tussen die blare en strooi dan die bosbessies, sade en parmesaankaas oor. Sit voor met olyfolie en ekstra balsemiekasyn.

Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees