Francois Oberholster
Bereidingstyd: 2 minute
Porsies: 1 oordadige
Gaarmaaktyd: 2 minute
Bestanddele
- 15 ml - kakao
- 125 ml - donkersjokoladesplinters
- knippie - sout
- 15 ml - klapperolie
- 15–30 ml - bruinsuiker
- 45 ml - melk
- 15 ml - grondboontjiebotter
- 45 ml - bruismeel
Metode
Dié kitskoek is so maklik, dis amper te goed om waar te wees. Die sjokolade wat jy gebruik, gaan die soetheid van die koek beïnvloed; hou dit in gedagte wanneer jy die suiker byvoeg.
Skep die droë bestanddele in ’n koffiebeker en roer tot gemeng. Voeg die melk, olie en grondboontjiebotter by en roer tot alles bymekaarkom. Mikrogolf vir 2 minute op hoog. Laat die koek dan vir ’n minuut afkoel in die toe mikrogolfoond. Versier nou na hartelus en geniet net so uit die beker. Ons het ’n skep room, malvalekker-ore vir die hasie-beker en karamelspringmielies bygevoeg.
LW Baktye kan effens wissel na gelang van die sterkte van jou mikrogolfoond.
