Sit dit ná ete voor saam met koffie, óf pak dit in ’n boksie vir ’n lekker geskenk.
1. Verhit die dik room en glukose in ’n kastrol tot net onder kookpunt. Breek die donkersjokolade in blokkies en gooi dit in ’n glasbak. Gooi die warm room en glukose oor die sjokolade terwyl jy dit roer.
2. Verhit die heuning en roer dit ook by die sjokolade in. Roer en maak seker alles is deeglik gemeng en die sjokolade gesmelt. Indien al die sjokolade nie gesmelt is nie, kan jy die bak oor ’n kastrol met pruttende warm water sit. Verwyder die bak van die hitte sodra die sjokolade gesmelt het en laat dit dan eenkant staan totdat die sjokolademengsel afgekoel het.
