Grondboontjiehoender-en-rys

akkreditasie
Foto: Francois Oberholster
Foto: Francois Oberholster
Bereidingstyd: 25 minute
Porsies: 4
Gaarmaaktyd: 1 uur
Bestanddele
  • 30 ml - grondboontjiebotter
  • 5 ml - tamatiepasta
  • 2 - groot knoffelhuisies, fyngekap
  • 1 - rooi brandrissie, gekap
  • 5 ml - gerasperde vars gemmer
  • 30 ml - fyngekapte vars koljander
  • 15 ml - lemmetjie- of suurlemoensap
  • 4 - groot stukke hoender
  • 15 ml - elk olyfolie en botter
  • 2 - uie, gesny
  • 250 ml - bruin-wilderys-en-split-ertjiemengsel
  • 250 ml - klappermelk, warm
  • 500 ml - flou aftreksel, warm
  • 100 ml - grondboontjies, gekap
  • - ekstra vars koljander vir garnering
Metode
Dis moelik om te kies of die rys of die hoender die apploustrekker is in dié duet.

Meng die grondboontjiebotter, tamatiepasta, knoffel, rissie, gemmer, koljander en lemmetjiesap saam. Maak die vel van die hoenderstukke los en vryf die mengsel versigtig onder die vel in. Enige oorblywende geurpasta kan oraloor die hoenderstukke gesmeer word. Geur met sout en varsgemaalde swartpeper.

Verhit die olie en botter in ’n pan met ’n deksel en braai die hoenderstukke goed bruin oraloor. Hoe groter die stukke, hoe langer moet dit braai om seker te maak die vleis sal binne 40 minute gaar prut. Skep uit en braai die uie nou stadig in die geurolie tot goudbruin. Skep uit. Skep die hoenderstukke terug in die pan.

3 Spoel die rys goed af en voeg dit by die hoenderstukke in die pan. Meng die klappermelk en aftreksel en giet dit oor die hoender en rys; geur met sout na smaak. Skep die uie bo-op, bedek en laat prut oor matige hitte vir sowat 40 minute of tot die hoender en rys gaar is. Sprinkel die grondboontjies en nog vars koljander oor.

Jongste uitgawe

Mei | Junie 2022

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees