1. Voorverhit die oond. Verhit die olie in ’n dikboompan en braai die ui tot glansend. Roer die sampioene en soetrissie by en braai verder tot die groente sag en gaar is (braai die sampioene apart as jy dit bruiner verkies). Verwyder van die hitte, laat effens afkoel en meng die ham en worsies by.
2. Skep die mengsel in ’n gesmeerde tertbak. Rangskik die eierhelftes tussen die vulselmengsel en strooi die pietersielie oor.
3. Klits die 4 eiers, koekmeel en mosterd saam en klits dan die melk geleidelik by. Geur die eiervla met sout en peper en giet dit oor die vulsel. Strooi laaste die kaas oor en bak vir sowat 40 minute of tot gestol en gaar. Laat die tert vir minstens 10 minute afkoel voor dit gesny word.
