book-icon Uitgawe April 2018

Appelkooshoender met tamatieslaai

akkreditasie
Francois Oberholster
Bereidingstyd: 15 minute
Porsies: 4
Gaarmaaktyd: 45 minute
Bestanddele
  • 80 ml - pampoensaad
  • 1 blik - artisjokharte, in kwarte gesny
  • 1 - klein rooi ui, dungesny
  • 15 ml - rooiwynasyn
  • 4 - groot tamaties, in 1 cm dik skywe gesny
  • 4 - groot porsies hoender
  • 1 blik - gemengde boontjies, gespoel en gedreineer
  • ’n hand vol - platblaarpietersielie
  • 30 ml - elk appelkooskonfyt en blatjang
  • 30 ml - olyfolie
Metode
Kry die resep hier.

1. Voorverhit die oond tot 200 °C. Smeer die hoender met die konfyt en blatjang en geur rojaal met sout en peper. Sit dit in ’n baksakkie met ’n skeut water; knoop toe, prik die sak oraloor en bak vir sowat 45 minute tot goudbruin en gaar.

2. Verhit die olie in ’n klein pan en braai die pampoensaad tot dit begin pof. Geur met seesout.

3. Rangskik die tamatieskywe op ’n mooi bord en pak die rooi ui, artisjokke en boontjies bo-op. Sprinkel met sout en peper na smaak, gevolg deur die asyn. Rond af met die pampoensaad en pietersielie. Sit voor saam met die hoender. Vegetariese variasie Gebruik koeskoes en romerige fetakaas pleks van hoender.

Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees