1. Giet kookwater oor die ertjies, dreineer en verwerk dadelik saam met die basilie, ment, kasjoeneute, knoffel, kaas en olyfolie om ’n gladde pesto te maak. Geur na smaak met sout en peper.
2. Kook die pasta in soutwater tot al dente. Dreineer, maar behou ’n skeutjie van die pastawater. Meng die pasta dadelik, terwyl dit nog warm is, met die pesto. Voeg van die pastawater by indien die pasta te droog lyk.
3. Skep in bakkies, verdeel die ham tussen die bakkies en strooi die ekstra kaas oor. Sit dadelik voor, of laat afkoel en eet as pastaslaai. As jy hou van byt, kies peri-peri-kasjoeneute vir die pesto.
