1. Meng die patat, meel, mielieblom en eiers en geur met sout en peper.
2. Verhit ’n kleefvrye pan tot matig warm; giet ’n skeut olyfolie in die pan. Skep nou vier opgehoopte eetlepels vol van die patatmengsel in die pan. Druk elke hopie plat om die eerste vier rösti’s te vorm en braai stadig oor matige hitte tot goudbruin en bros alkante. Beheer die hitte en maak seker die koekies is deurgaar. Herhaal met nog ’n skeut olie en die res van die beslag. (Jy kan natuurlik meer maar kleiner happies maak indien verkies).
3. Smeer roomkaas op vier van die koekies en rangskik die forel, kersietamaties, sampioene en bronkors daarop. Bedek elke stapeltjie met ’n tweede rösti en rond af met enige oorskietvulsel en ’n eier. Smul dadelik.
