Foto Greg Cox
1 Verhit die olyfolie in ’n groot kastrol. Soteer die ui en seldery oor matige hitte tot sag en totdat die groente begin verkleur. Voeg die knoffel, gemmer en brandrissie by en roerbraai vir nog ’n minuut.
2 Voeg nou die kerriepoeier, tamaties en hul sap, pietersielie en suurlemoenskil by en bring tot kookpunt. Verlaag die hitte en laat dit stadig sonder ’n deksel prut vir sowat 10 minute. Verwerk tot glad met ’n staafmenger. Dié stap is opsioneel, maar gee ’n weelderige tekstuur.
