Peri-peri-steurgarnale met rys

akkreditasie
Foto: Francois Oberholster
Foto: Francois Oberholster
Bereidingstyd: 15 minute
Porsies: 6
Gaarmaaktyd: 10 minute
Bestanddele
  • 1 kg - steurgarnale, derm verwyder maar dop aan
  • - SOUS
  • 5 - knoffelhuisies, fyngekap
  • 125 ml - botter
  • 250 ml - van jou gunsteling- peri-peri-sous – ons het Food Lover’s Creamy Peri Peri Sauce gebruik
  • 250 ml - room
  • 60 ml - gekapte koljander
Metode
Die gerief van dié resep lê in die klaargekoopte sous wat jy so ’n bietjie dokter. Geniet die voorgereg met die hande saam met goeie vriende – dis ’n morsige storie!

1 Ryg die steurgarnale op 6 stokkies – dit maak die gaarmaak en voorsit baie makliker.

2 Maak die sous Braai die knoffel stadig in die botter vir ’n halfminuut. Voeg die res van die bestanddele by en laat prut tot effens verdik. Hou eenkant.

3 Braai nou die steurgarnale oor matige kole of in ’n riffelpan tot net-net gaar en blosend pienk. Bedruip mildelik met die sous en sit voor met gestoomde rys, suurlemoenwiggies en vars Portugese broodrolletjies.

Pst! Maak die gereg voedsamer deur gebraaide sampioene en ertjies deur die rys te roer voor jy dit saam met die garnaalstokkies voorsit.


Jongste uitgawe

Mei | Junie 2022

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees