Vingerlek-lekker varksosaties

Francois Oberholster
Bereidingstyd: 15 min. + marineer
Porsies: 6
Gaarmaaktyd: 20 min.
Bestanddele
  • 6 - vellose varkliesrepe, in blokkies gesny
  • 80 ml - hoisinsous
  • 15 ml - sojasous
  • 1 - knoffelhuisie, gekap
  • 1 cm - vars gemmer, geskil en gerasper
  • 30 ml - sesamolie
  • - sowat 125 ml kookwater
  • 15 ml - sesamsaad, gerooster
  • 1 - bossie sprietuie, gekap
  • - OM VOOR TE SIT
  • - gestoomde groen groente
  • - jasmynrys
  • - vars koljanderblaartjies
Metode
Klaar bereide hoisinsous is ’n soetsuur, speseryryke sous wat gewoonlik suiker, gefermenteerde sojabone, knoffel, sesamsaad en speserye bevat. Dit word tradisioneel in Chinese kookkuns gebruik en is ’n kortpad na die allerlekkerste varksosaties.

1 Meng die vark met die hoisin- en sojasous, knoffel en gemmer tot oraloor bedek. Ryg op houtstokkies (onthou om dit eers in water te week sodat dit nie vlam vat tydens gaarmaak nie). Marineer vir minstens 1 uur, maar verkieslik oornag, dat die geure kan trou.

Laat die vleis kamertemperatuur bereik. Verhit die sesamolie in ’n dikboompan en braai die sosaties nou versigtig daarin tot goudbruin en klewerig oraloor. Gebruik die kookwater om die sous te temper wanneer dit begin karamelliseer voor die vleis gaar is.

3 Strooi die sesamsaad en sprietuie oor die sosaties en sit voor met die rys en groente, afgerond met vars koljander vir die volmaakte geur.

Jongste uitgawe

Des | Jan 2022

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

WERF 2021

Jongste uitgawe
Kry jou praktiese, inspirerende gids vir jou werf nou as ’n e-tydskrif.
Begin lees