’n Salon in die bos

Die Lemmers het die venstersitplek aan die westekant uit die staanspoor beplan. Die inspirasie kom van ’n Pinterest-foto uit Skandinawië. Wehrner het die houtverskaffer gevra vir ’n ekstragroot plank van 600 mm breed en 2 m lank. “Almal lê hier. Die kat, die hond Micky, salonkliënte, jy kan jou rekenaar inprop en jou koffie hier neersit...” sê Wehrner trots. “Ek beplan ’n waterelement voor die venster vir die wildsbokkies en het reeds Clivias geplant.”