book-icon Uitgawe Februarie l Maart 2021

Só beskerm jy jou rose teen die son

akkreditasie

Geraldine van Wyk van Bloemfontein skryf My ‘Thuli Madonsela’-rose kry swaar in die hitte, al maak ek gereeld nat. Hoe kan ek verseker hulle lyk altyd vars? 

Ludwig antwoord Net soos mense hou rose van ’n koel stort wanneer dit baie warm word. Sit die sproeier op die warmste deel van die dag sowat 10 minute lank aan of spuit liggies met die tuinslang. Dit koel die plante en hul onmiddellike omgewing af. Rose gee nie om dat hul blare nat word nie en in warm weer word dit so gou droog dat daar geen gevaar van swamsiektes is nie. Gedurende die warm maande en wanneer dit nie reën nie het die plant 15 tot 20 liter water per week nodig (gryswater is in orde). Maak ook seker die water bereik die struike se wortels. Indien die grond verdig is, druk ’n vurk in die grond rondom die struik en wikkel dit tot die grond sowat 30 cm diep losser raak. Dit kan ook help om kompos liggies by die bogrond in te werk; maak daarna goed nat. 

KONTAK ludwigsroses.co.za

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

Februarie | Maart 2023

Jongste uitgawe
Kry jou praktiese, inspirerende gids vir die huis en tuin nou as ’n e-tydskrif.
Begin lees
Jongste uitgawe

OPKNAP

Jongste uitgawe
Die jaarlikse Tuis Opknap-gids is nou te koop, met inskrywings uit ons jaarlikse Regruk met Flair-wedstryd, aangebied in samewerking met JoJo.
Begin lees