Maak in ’n japtrap ’n heerlike patee van die snoek wat in die braaibak oorgebly het.
Jy benodig
(genoeg vir 4-6)
- 250 g oorskietbraaisnoek
- ½ houer (115 g) suurroom
- gerasperde skil van 1 suurlemoen
- 1 knoffelhuisie, fyngedruk
- ’n hand vol vars pietersielie, fyngekap
- ’n hand vol sprietuie, fyngekap
- 1 eetlepel Dijon-mosterd
- sout en swartpeper
Só maak jy
- Vlok die snoek in klein stukkies en maak seker jy haal al die grate uit.
- Meng die snoek met die res van die bestanddele en geur dit met sout en peper.
Weg Ry & Sleep sê: Sit die patee voor met geroosterde Franse brood, eet dit op soutbeskuitjies of bak ’n brood op jou kampvuur.
