book-icon Uitgawe September 2018

Die Vikings kom!

akkreditasie
Volvo XC60 D5
Volvo XC60 D5

Lank gelede land ek in die middel van die winter in Kiruna, die mees noordelike stad in Swede. Dis sowat 150 km noord van die Noordpoolsirkel en die vlieënier kondig saaklik aan dat die temperatuur buite -30 ºC is. Ek weet nie of ’n donsbaadjie in die koue kan smelt nie, maar dis wat met myne gebeur nadat die lugwaardin die vliegtuigdeur oopmaak. Dis soos die oorblufte losskakel van Rawsonville se 2de span wat hom skielik in ’n ysreën in ’n toets teen die All Blacks in Dunedin se House of Pain bevind. “Druk asseblief nog ’n drie mnr. Lomu. Moenie dat ek in jou pad staan nie,” sê my baadjie.

’n Baie groot Sweed groet ons in die klein aankomslokaal. Verbeel jou hy lyk soos Björn Lothbrok, oudste seun van Ragnar, die legendariese leier van die Vikings in die 9de eeu. Blou oë. Blonde hare. Bokbaard. Sewe voet lank. Met ’n moewiese mes aan sy sy. Björn is ons gids wat ons op sneeufietse na ’n wilderniskamp moet begelei.

Hy’s bly om te sien ons het ons warmste klere saamgebring, sê hy aan die groepie bibberende Suid-Afrikaners. Hy’s seker dis goeie en mooi klere terug by ons huis in Afrika, maar ons is nou in Lapland.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan