Ná ’n lang dag op die pad stop ek honger en dors by Toeka. Ek was kinderlik gelukkig toe die kelner vra of ek ’n groot koppie koffie (R30) met ’n kelkie kondensmelk wil hê. Die biefburger (R75) is ook nie te versmaai nie.
Die Toeka se dae-padstal is ’n instelling in dié geweste. Dis eintlik meer as net ’n padstal – dis ’n restaurant en ’n soort museum met allerhande ou dinge wat rondstaan of uit die dak hang: Mercedes-wieldoppe, ou straattekens, lanterns, geroeste blikborde...
