Weg se lesers vertel elders in dié uitgawe hoe lekker hulle saam met hulle honde vakansie hou. Vir Marijcke Dodds, teksredakteur vir go!, Weg! se susterstydskrif, is sommige honde-uitstappies makliker as ander.
Ons chihuahua, Petit (9), is deel van die gesin sedert sy klein-hondjiedae. Nina (10) het ons by die organisasie Rhodesian Ridgeback Rescue & Rehab aangeneem toe sy drie jaar oud was.
Sy’s ons tweede rifrug – ons is gaande oor dié ras. Hulle het baie oefening nodig en is goeie pasmaats vir ’n aktiewe gesin.
