Die Beeld-Vakansieskou is bekend as die skou met van die grootste binneshuise-tentoonstellings en vergelyk goed met monster woonwaskoue in Duitsland en Engeland. Baie nuwe Suid-Afrikaanse produkte word hier bekend gestel. Boonop kan jy hier kom bladskud met die ouens van Weg en Weg Ry & Sleep.
As jy vanjaar ’n epiese vakansie wil aanpak, sal jy al die nodige inligting hier kry!
Waar? Gallagher Estate in Midrand
Wanneer? 23-25 Februarie
Ure: Vrydag van 09:00 tot 18:00; Saterdag 08:00 tot 17:00; Sondag 08:00 tot 16:00.
Toegang: R120 per volwassene by die hek (R100 as jy aanlyn bespreek).
Studente en pensioentrekkers betaal R60. Kinders jonger as 7 kan gratis inkom. Veilige parkering is teen R20 beskikbaar. Klik hier en bespreek.
Vir navrae: Hampie de Kock (skoudirekteur) 083 4 888 986
Of besoek: www.beeldskou.co.za
