Esté Smit van George skryf Ek het hierdie seester met ses arms op Swartvleistrand in Sedgefield gewaar. Ek het gelees seesterre kan ’n nuwe arm groei as hulle een verloor – het hierdie seester een arm met twee vervang?
Die seelewekenner Guido Zsilavecz antwoord Ja, dit lyk beslis so. Ek dink een van die twee arms onder links is moontlik deels afgeskeur en nog ’n arm het langs dit uitgegroei. Die besering moet vroeg in die seester se lewe plaasgevind het, want dit vat tyd vir die nuwe arm om so lank soos die ander te word.
Dié seesterspesie, Austrofromia schultzei, kom in vlak waters langs die kus voor, van Valsbaai tot by Gqeberha.
