Helen Brink van Mosselbaai se wenbrief het in Weg se Junie 2019-uitgawe verskyn.

Ek en my man het met ons klassieke Vespas, ’n Primavera 125 en ’n 200 PX, van Mosselbaai na Oudtshoorn gery oor die Swartbergpas en oorgeslaap op Prins Albert.

Die volgende dag het ons deur Meiringspoort, Dysselsdorp, Herold en oor die Montagupas teruggery Mosselbaai toe.

Die poegies het hulle uitstekend gedra op die grondpaaie en passe. Ons het die omgewing ingedrink en oral stilgehou om foto’s te neem. Dié Kaapse kliplyster het op die Vespa kom sit terwyl ons koffie gedrink het in Meiringspoort. Wat ’n onvergeetlike vakansie!

Lesersbrief
Lesersbrief


Lees al die briewe wat in ons Junie-uitgawe verskyn hier.