Ek neem aan op skool word leerlinge in toerismestudies blootgestel aan ’n konsep wat marksegmentering genoem word. Dit is ’n proses waar ’n spesifieke mark – soos die kampmark – in groepe of segmente verdeel word.
Elke segment bestaan uit groot getalle verbruikers wat soortgelyk sal reageer op bemarkingstrategieë van byvoorbeeld kampplekke en woonwavervaardigers.
Die meeste verbruikers in so ’n segment het dieselfde belangstellings en behoeftes wanneer dit kom by vakansies, wegbreeknaweke en die aankoop van kamptoerusting.
