Dit was daarom een van die redes waarom ek in 2015 só opgewonde was oor twee witkwasjakkalse se lêplek en drie welpies wat ek in Kenia ontdek het.
Ek het die kans aangegryp om die diertjie af te neem. Hoewel die kleingoed rustig voorgekom het, wou die ouers dit nie nader as 200 m aan ons waag nie – tipies van dié spesie wat bekend is vir sy skugter, ontwykende gedrag.
Studies wat al in die verlede in Zimbabwe gedoen is, het ons kennis oor die witkwasse verbreed: Daar is vasgestel dat ’n jakkalspaar in ’n gebied van 12 km² hou, maar snags slegs in ’n derde hiervan jag.
