My ma moes streepsakke vol droëperskes iewers teen ’n bargain by ’n boer gekry het.
Ek probeer ook dinge in grootmaat koop en was verheug toe ek dié padstal-en-winkel op Montagu raakry: Hier kan jy allerlei 1 kg-sakke droëvrugte koop: appelkosies, perskes, mango, pere, appels, rosyntjies... Hulle verkoop ook verskillende graderings.
’n Kilogram keurgraad vrugteslaai kos R101 en klas 2 net R59. En die gesonde lekkernye hou nie op nie. Hier’s ook neute en sade, en minder gesonde dinge soos karamelspringmielies en Turkse lekkers.
