Afgesien van ’n paar klein dingetjies wat pla, het hy nog net pret gehad met sy Toyota Hilux, sê Lourens Greyling van Louis Trichardt.
Ek het voorheen met ’n Fortuner gery en toe vir omtrent ’n jaar ’n Hilux Legend 45 gehad.
Die Legend het klein probleempies gehad en ek het twee jaar terug begin jeuk om vir my die splinternuwe Hilux vir R570 000 te koop. Hy is gemaklik, betroubaar, veilig en het hope krag.
