Vertel ons van die Cloetes?
Rut: Ons dogter, Charma, is agt jaar oud. Sy is mal daaroor om in die see te swem en soek gereeld na verrassings in die padkosmandjie! Haar broer, Declan (12), is die gesin se grapjas. Declan knoop geselsies met vreemdelinge aan en ons is bykans al die vriendskappe wat tot dusver langs die pad gevorm het, aan hom te danke!
Ek en Pieter deel die taak om ’n mate van struktuur aan ons vrye leefstyl te gee. Ek hou daarvan om dinge te organiseer en alles op ’n lysie af te merk, en hy spoor ons aan om spontaan te wees en nuwe dinge te probeer.
