Brasilië is die vyfde grootste land ter wêreld – dit kan byna sewe Suid-Afrikas insluk. Die mees suidelike punt, aan die ooskus langs Uruguay, is min of meer op dieselfde breedtegraad as Kaapstad, terwyl die land se mees noordelike punt ’n breedtegraad deel met Ethiopië! Ons het ’n maand lank deur die suide van Brasilië getoer.
Dit was egter nie lank genoeg nie – ons wou meer van die land sien!
Sowat ’n jaar later, in Junie 2019, staan ons weer langs ons Landie wat ons op ’n plaas in Uruguay gelos het – dié keer sou ons drie maande lank toer, en ook dit was nie lank genoeg nie!
