LAAI JOU VOLLEDIGE VISRIVIER-STAPPAKLYS HIER AF
Dit maak nie saak hoeveel keer jy al by die uitkykpunt naby Hobas in Namibië gestaan het nie: Om die Visriviercanyon so voor jou in die strak landskap te sien oopvou, oorrompel ’n mens. Dis ruwe klip sover jy kyk, die landskap wat skielik meegee, die regaf kranse wat diep kronkels vorm, die rivier ’n dun lint doer onder.
Volgens Nama-legende het ’n reuseslang dié canyon met sy laaste stuiptrekkings uitgedolwe. Dit was nadat die mense in die suide van Namibië hom doodgemaak het omdat hy onder hulle vee gemaai het.
