Hier's 'n idee: Hou piekniek by ’n uitkykpunt.
Ja, die Amfiteater pryk op honderde poskaarte en koffietafelboeke, maar die eintlike eerste prys is om self bo-op dié platorand te staan en af te kyk.
Kan ’n gewone ou doer bo uitkom, wonder jy seker. Ja, daar is ’n netjiese paadjie van die parkeerterrein aan die voet van die Sentinelberg af – selfs ’n hupse ouma kan dit doen. Daar is wel een uitdaging: Aan die einde klim jy met twee kettinglere (onderskeidelik 20 m en 40 m lank) tot bo. Maar dis makliker as wat dit klink – mits jy nie afkyk nie.
