Soos jy agter die Ezi Camp-waentjie staan, maak die deksel 90° oop terwyl die seilgedeeltes wat daaraan vasgesit is, oopvou oor die waentjies se romp, amper soos ’n kamer. Pale pas in die hoeke om die seilvertrek oor die Venter te span. Twee pyphoekstutte sak agter om die waentjie stewig te hou terwyl ’n mens met die los trappie van agter af inklim.

Die bed, wat die hele vloer beslaan, is nie direk op die vloer nie, maar gelig sodat daar pakruimte onder is. Die naaste gedeelte van die bed lig op sodat jy die pakruimte kan bykom. Jy staan ook hier wanneer jy in die waentjie aantrek. ’n Reghoekige dak van 3,6 x 3 m span verder oor die hele waentjie en staan met pale en ankertoue. Drie panele pas aan die dak om die kante van die waentjie vir meer privaatheid. Die neuskas bly behoue en ’n koelboks pas maklik hierin.

“Ek is al 70 en kamp my hele lewe lank met woonwaens, maar dit het nou te veel geword,” verduidelik Michael. “

’n Mens het net ’n klein, goedkoop en ligte waentjie nodig om te kamp.”

Michael doen ook ombouings vir mense wat hulle eie waentjie verskaf.

Prys R29 990 (met ’n nuwe Venter Super 6-wa), R16 500 (as jy die waentjie verskaf), en R4 000 vir die drie tent-sypanele.

Kontak  011 915 8193;irene.pain@telkomsa.net


Lees nog nuusbrokkies uit ons April-uitgawe hier.