book-icon Uitgawe April/Mei 2021

Waar die Limpopo loop

akkreditasie
Sandra Boshoff, Ratho Bush Camps (Pontdrift)
Sandra Boshoff, Ratho Bush Camps (Pontdrift)

Die Limpoporivier ontspring ongesiens iewers in ’n agterplaas in Gauteng, waar die verste waters van die Krokodilrivier vandaan kom. Wanneer die Krokodil by Rooibokkraal – noord van Thabazimbi – aansluit by die Maricorivier, word dit die Limpopo in ons kaartboeke.

Dít is die amptelike feite, maar in werklikheid is die Limpoporivier moeiliker om vas te pen. Dit verskyn en verdwyn. Dit kom af in vloed, droog weer op. Ry jy oor die rivier met een van die brûe tussen Suid-Afrika en Botswana dan sal jy selfs effens teleurgesteld wees: ’n Paar sandbanke, ’n poel modderwater – was dít nou dit? Die Limpopo verskyn nie op poskaarte of die voorblaaie van koffietafelboeke nie.

Dit is nie ’n windgat rivier nie. Dit is verskuil agter digte bosse en hoë wildheinings. Vrye toegang tot die rivier is skaars, en jy moet dikwels iemand ken wat jou op sy plaas sal laat rondry sodat jy nader aan die rivier kan kom. As jy die Limpoporivier wil vind moet jy eerder soek na iets anders, soos mooi bome, of voëltjies, of sommer net rus en vrede. Mettertyd sal die rivier in jou randvisie begin vorm aanneem, en lyf kry.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan