Die soetwyn help om die sous stroperig te maak en gee die vleis ’n mooi glans.
1. Geur die vleis goed met sout en swartpeper. Verhit ’n potjie tot lekker warm, voeg die olie by en verbruin die vleis tot dit oraloor mooi gekaramelliseer het.
2. Skep die res van die bestanddele (behalwe die sprietuie) by en roer alles deur. Sit die deksel op en laat dit vir sowat twee uur prut. Haal die deksel af en laat die sous vir sowat een uur stadig prut en afkook tot dit taai is. Die vleis behoort dan murgsag te wees. (Jy kan die vleis ook in ’n oond van 160 °C bak.)
