Kaaswors en room én pasta! Die pasta word sommer so tjoef-tjaf in die sous gekook. Baie smaaklik en gewild onder die jongspan.

Vir 4 | Voorbereityd 5 minute | Gaarmaaktyd 20 minute


1 eetlepel botter

400 g kaaswors, in wieletjies gesny

1 ui, fyngekap

2 knoffelhuisies, fyngekap

2 koppies hoenderaftreksel

1 blikkie (410 g) All Gold Mexican Diced Tomatoes

½ koppie room

250 g skroefiepasta

sout en peper na smaak

1 koppie cheddarkaas, gerasper



1. Braai die wors en uie saam in botter in ’n diep pan of swaarboompot vir 5 minute. Voeg die knoffel, aftreksel en tamaties by en bring tot kookpunt.

2. Voeg die pasta by, sit die deksel op en verlaag die hitte sodat die gereg vir 10-15 minute prut. 

3. Roer die room by die warm pasta, geur die pasta na smaak met sout en peper, en sprinkel die kaas bo-oor.