Foto Ed O’Riley

Jy benodig (maak 1 fles van 650 ml)

  • 1 bossie wortels, geskil en in ringetjies gesny (dit is ongeveer 3 koppies)
  • ½ koppie suiker
  • 1 stuk (2 cm) vars gemmer, geskil en in dun stokkies gesny
  • 2 teelepels mielieblom
  • ½ koppie witwynasyn
  • 1 eetlepel olyfolie
  • 1 teelepel gerasperde suurlemoenskil
  • 2 lourierblare

Só maak jy

1 Kook die wortel in soutwater tot net sag, en dreineer dit.

2 Meng die suiker, gemmer en mielieblom in ’n kastrol en klits die asyn geleidelik by om te keer dat dit klonte vorm. Sit die kastrol op die stoof en prut dit vir ’n paar minute oor lae hitte totdat die sous verdik.

3 Roer die gaar wortel, olie, suurlemoenskil en lourierblare by en prut alles saam vir sowat 5 minute. Die sous is maar min; pasop dus dat te veel daarvan wegkook. Skep die slaai dadelik in ’n gesteriliseerde inmaakfles en verseël dit.

 Ry & Sleep sê Hou die slaai in die yskas nadat jy dit oopgemaak het.