Foto Ed O’Riley

Jy benodig (maak 8 stokkies)

  • 16 sampioene
  • ¼ koppie knoffelbotter
  • 8 pikantrissies (peppadews)
  • 8 mozzarellablokkies (1 x 1 cm)
  • 8 repe strepiespek

Só maak jy

1 Verwyder die sampioene se steeltjies en stop al 16 sampioenkoppe ruim met knoffelbotter. Rangskik die sampioene twee-twee saam op ’n kapplank.

2 Stop ’n blokkie kaas in elke pikantrissie. Sit ’n gevulde rissie tussen twee van die sampioenkoppe, draai ’n reep spek om die geurige stapel en steek dit vas met ’n sosatiestokkie. Herhaal die proses tot jy 8 stokkies het.

3 Braai die stokkies oor matige kole tot die spek bros en die kaas binne gesmelt is.

Ry & Sleep sê Onthou om die houtstokkies in water te week sodat hulle nie vlamvat oor die kole nie.