Word ’n veldwagter by Shamwari

Veldwagtersopleidingsprogram

Het jy lus vir ’n nuwe loopbaan, of sommer net om ’n sinvolle breek te neem? Hierdie twee maande lange maande kursus by ’n wêreldklas Groot Vyf-reservaat in die Oos-Kaap sal jou drome bewaarheid.

Ongeag of jy net ’n opvoedkundige ruskans wil neem of die eerste treë wil gee in ’n loopbaan as veldgids, hierdie praktiese en teoretiese opleiding beloof om ’n lewensverrykende ervaring te wees.

Volunteer World International, die privaatnatuurreservaat Shamwari en die FGASA het saamgespan om Suid-Afrika se voorste veldwagtersopleidingsprogram in 2019 te laat herleef. Nou kan jy jou liefde vir die natuur, wilde diere en bewaring uitleef – alles onder die wakende oog van ’n hoogs opgeleide en gesoute opleidingspan.

WAAR EN WANNEER?

Waar? Shamwari (’n vyfsterreservaat in ’n malariavrye gebied), Oos-Kaap.

Hoe lank? 9 weke / 63 dae

Begindatums: Verskeie Maandae deur die loop van die jaar (gaan na die webwerf vir spesifieke datums)

Kapasiteit: ’n Maksimum van 10 studente word per kursus toegelaat sodat studente individuele aandag kan kry.

Kwalifikasie: Suksesvolle kandidate ontvang ’n FGASA-veldgidskwalifikasie (NKR-vlak 2).

Verblyf: Studente bly vir die duur van die kursus in die Esingeni-tentkamp langs Shamwari.

Toelatingsouderdom: 18 jaar en ouer (geen maksimum). Oud én jonk is welkom.

Let wel: Studente moet minstens 21 jaar oud wees as hulle ’n professionele rybewys wil bekom, maar jonger student kan steeds die 4x4-opleiding ondergaan.

Veldwagtersopleidingsprogram

Vakke sluit in

Hoe om ’n natuurervaring te skep; geologie; weer en klimaat; sterrekunde; ekologie; biome; taksonomie; plante en grasse; litpotiges; visse en amfibieë; reptiele, voëls; soogdiere; dieregedrag; bewaringsbestuur en menslike bewoning.

Ekstra vaardighede: Noodhulp; vuurwapenbestuur; slanghantering en 4x4-opleiding!