Bou ’n stabiele opwastafel

akkreditasie
OP SY PLEK. Saag die gate in die blad sowat 15 mm kleiner as die buitelyne wat jy getrek het sodat die rande van die skottel en afdroograk daarop kan rus.
OP SY PLEK. Saag die gate in die blad sowat 15 mm kleiner as die buitelyne wat jy getrek het sodat die rande van die skottel en afdroograk daarop kan rus.
Só kan jy stap vir stap jou eie opwastafel vir die kampplek bou.

 “Soos die meeste kampeerders het ek ’n standaard-skottelgoedstaander met ’n wasskottel en droograk. Dit waai egter gereeld om en elke keer verloor ek borde, koppies en glase,” vertel Alma Muller van Vaal Reef. 

“My man het toe vir ons ’n stabiele opwastafel gemaak. Nou het ek meer plek vir die skottelgoed en die tafel pas maklik onder die woonwa se bed of selfs in die kar se bagasiebak in.”

Inkopielys

  • plastiektafel van sowat 1,8 m x 1 m (die doodgewone soort met die verwyderbare bene, wat dikwels op mense se stoep staan)
  • plastiekopwasskottel
  • plastiekafdroograk

Gereedskap

  • kokipen
  • figuursaag
  • 1 plat aluminium-dwarsstrook, so lank soos die breedte van jou tafel, omtrent 50 mm breed en 3 mm dik
  • 3-4 boute
DIS JOU BEURT! Die opwastafel staan stewig en die hele gesin kan nou gerieflik staan en was. Nou het niemand meer verskonings wanneer dit hulle beurt is nie.

Só maak jy

1. Trek die buitelyne van die rak en skottel op die tafel met die kokipen.

2. Sny die gate uit met die figuursaag.

3. Bout die aluminiumstrook in die middel van die tafel vas, dwars oor die blad en tussen die 2 gate.

4. Sit die rak en skottel in die gate en laat waai.

Ry & Sleep sê
Die aluminiumstrook maak jou tafelblad stewiger.