’n Mens pak nie sommer ’n hardebaard roete van twee weke deur Angola aan sonder ’n gemodifiseerde hardebaard voertuig nie, sê die WegRy-leser André van Tonder, wat dié land besoek het. Hulle voertuie was met die volgende uitgerus:

  • veldbande (Coopers, BF Goodrich en Kumho), twee noodwiele, bandhersteltoerusting;
  • dakrakke (geen daktente nie);
  • watertenks, jerrykanne;
  • omskakelaars (inverters);
  • herwinningstoerusting (stroppe van 35 m lank);
  • kompressors;
  • tweerigtingradio’s; en
  • Garmap en Tracks4Africa op die GPS’e.


Een van die Land Cruisers was in ’n dubbelkajuit omgebou en die ander een was ’n bakkie.

Al vyf voertuie was met ’n werkverrigtings-mikroskyfie van Steve’s Auto Clinic in Vanderbijlpark toegerus sowel as free flow-uitlaatpype, ook van Steve’s. Dit het beter brandstofverbruik en meer krag tot gevolg gehad.