Vertel ons van julle boek?
Dit het twee afdelings: Die een deel is ’n gids wat jou help om die geskiedenis van spesifieke plekke in die park beter te verstaan en die ander deel fokus op hoe mense in die verlede hier geleef het en die gebeure wat die Tankwa gevorm het tot wat dit vandag is.
Ons bespreek ook kortliks die geologie, plante en diere van die gebied, maar met die klem op die rol wat hierdie elemente gespeel het in mense se leefstyl.
