book-icon Uitgawe Mei 2019

Aftrekplek: Hillbilly-padstal, Wes-Kaap

akkreditasie
Hillbilly-padstal
Hillbilly-padstal

As jy weer op die R43 van Worcester af na Ceres, Wolseley of Tulbagh ry, hou jou oë oop vir die Hillbilly-padstal – jy kan nie die helder metaalwindpompe op die sinkdak en grasperk maklik miskyk nie! Die padstal lyk soos ’n Wendyhuisie op die hoek van Hillbilly Farm, ’n lappie groen duskant Ceres waar Tanith en Steven Matthews boer.

Buk by die deur in en gaan loer wat als binne is – van miniatuurwindpompe van metaal (Steven doen die metaalwerk self) tot houtspeelgoed, ingelegde vrugte, kaas en braaipakke (R55). Koop gerus ook ’n brandrissiesous: Tanith-hulle kweek 20 verskillende soorte brandrissies hier – onder meer die berugte Carolina Reaper, een van die sterkste brandrissies ter wêreld wat die sweet behóórlik sal laat aftap.

Strek buite jou bene, kyk hoe skrop die hoenders, en tel hoeveel ngunibeeste jy sien. Jy kan ook ngunibeesvelle koop (R3 800 elk), maar dié kom nie van die plaas se eie beeste nie (die eienaars is glo veels te lief vir hulle)!

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan