Laat in die jare sestig het Danie Ochse, ’n boer van die Oos-Kaap, besluit hy het genoeg gehad van Graaff-Reinet se droogte.
Hy het sak en pak Wes-Kaap toe verhuis en vir hom ’n lappie aarde langs die water aangeskaf met die hoop dat hy hom nooit weer oor droogte hoef te bekommer nie.
Hier, op die oewer van die Bergrivier, het Danie – en toe sy seun George en later kleinseun Chris – mettertyd ’n gesinsoord ontwikkel wat een van die gewildste kampplekke in die omgewing is en elke jaar duisende besoekers lok.
