Oondtemperatuur 180 °C
1 Voorverhit die oond. Maak met ’n skerp mes 3 of 4 diep insnydings in elke hoenderporsie. Geur met sout en peper en braai in ’n pan tot oraloor goudbruin. (Jy kan – indien nodig – ’n skeutjie olyfolie by die pan voeg.) Rangskik die porsies in ’n diep oondbak, velkant na bo.
2 Klits die heuning, sojasous, suurlemoensap, gemmer en knoffel saam. Voeg die olyfolie, ui en tiemie by en bedrup die hoender oraloor daarmee. Voeg ’n bietjie warm water onder in die oondbak en bak dan die hoender vir 45 minute of tot sag en mooi bruin. Bedruip die hoender deurentyd. Garneer met die vars suurlemoenskyfies en sit voor met gestoomde rys om die heerlike pansous te geniet.
