1 Sny die hoenderborsies in lang repe van sowat 1,5 cm dik. (Mik om 6 repe uit elke borsie te kry). Meng dit met die marinade en laat staan vir 30 minute in die yskas.
2 Ryg die hoender op sosatiestokkies. (Onthou om houtstokkies vooraf in water te week sodat hulle nie vlamvat nie!) Kartel elke reep hoender eers in ’n “S” op voordat jy die stokkie daardeur druk en maak seker dat die vleis styf teen die stokkies sit.
3 Verf die kebabs met die olyfolie en braai in ’n riffelpan of oor warm kole tot goudbruin en gaar.
